【旅遊】Foodie Fav Restaurants - Sapporo
唔知大家睇咗我個北海道住宿介紹未呢⋯⋯ 北海道真係一個好靚、好清靜既地方，雖然SHOPPING 地點唔太多，但可以真係RELAX下。除咗咁，仲有好多正野食添架！不過講飲講食講最愛FAVORITE 飲食餐廳之前，等我講下有D咩行先。咁就由札幌開始啦⋯⋯
其實坐完4/5個鐘飛機後，去到時間都唔會好早的。所以只會喺酒店附近行下食下，玩既都可以夾下公仔～ 我地就夾到隻大大布甸狗，勁可愛！咁夜仲可以去狸小路行下，不過其實來來去去都係賣嗰D野，價錢都差唔多，唔洗過份格價的 ／／ 夜生活就講咗D，至於朝早札幌市內有咩行，當然係行下佢個大通公園，坐下休息下，好正（特別係秋季）！仲有個電視塔，我就覺得唔洗上去，喺下面影返幅相就好靚靚架啦！
好喇，講返SAPPORO 既食野先⋯⋯ 我一落機都夜了，我又住得好近 JR SAPPORO。所以都係喺附近揾啖食！～ESTA～ 係一個勁正既選擇，好實惠，又好好味⋯⋯ 札幌拉麵共和國喺ESTA十樓，開到夜晚十點。我就試咗白樺山莊／／次郎長！
白樺山莊個拉麵好多人都推介，味噌拉麵係佢既招牌，但我就覺得比較鹹。但我行過幾次，發現真係好多人排，大家如想試既，就最好7點幾去，我嗰時去唔洗排。仲有，佢特別在有免費蛋食，好好味，但唔好食太多呀，一隻都夠晒數了。至於次郎長，我係見佢有牛油拉麵，人流都唔少，先入去一試。真係超正，牛油味好夠，唔會比湯底蓋過。湯底又唔會好鹹，味道啱啱好。我推介啦間多D！
十樓除咗有拉麵共和國之外，佢仲有好多唔同菜式揀架。我就試咗～MIA BOCCA～，因為咁啱嗰日想食西式野。我地叫咗個細PIZZA，一個意粉，同小食。2個人啱啱好，意粉醬汁好濃，PIZZA 都好啱食。我見好多日本人都幫襯，果然係不錯既選揀！
講返早餐⋯⋯ 如果大家都要趕JR既，不況可以喺火車站間PAUL到一試。快靚正，但價錢就屬於中價。無熱食既，EGG／／HAM／／SALAD 都係凍既。不過值得一提既，北海道牛油配TOAST，真係一流。再加埋北海道牛乳，OISHII！
仲有喺JR SAPPORO附近D MALL行街行到攰既，想食個LUNCH，可以落佢個B1樓既大食品街到揾食。佢有間HANAMARU烏冬店，只係因為我老公好想食腐皮，所以一試。點知大驚喜！佢烏冬有好幾個SIZE揀，食佢個中SIZE腐皮烏冬都夠數，腐皮真係超好味。再加個腐皮飯團，真係絕佳既腐皮盛宴！
去到日本，除咗拉麵魚生外，食燒肉又點少得喎⋯⋯ 札幌好興食燒咩肉架⋯⋯ 但耐何我老公唔食羊。所以揾咗間燒牛肉店～德壽～呢間舖平日食唔平架，但揾平野既我，發現午餐勁經濟。一份和牛LUNCH SET，百幾二百蚊港幣，就食到好飽。質素仲超正！大家去札幌一定一定要去食！！！唔好太晏去食LUNCH，如果唔係無窗口位。
其實我一路打打下，一路個肚GUGU聲，真係好掛住北海道D正菜⋯⋯ 去過北海道既你地，有冇咩其他食店可以推介，等我下次去可以食下嘛=)
北海道自由行～ 待續
0 意見:
張貼留言