第二日朝早，我地緊係要學人去函館朝市都食返個靚早～餐廳朝早其實唔多人，唔洗怕要等位。
之後就出發去五稜郭到觀光，其實又係搭佢D巴士或市電車，就好快到。但我就推介搭巴士，市電真係好迫人架～我就無上到個搭上面，因為前一晚已經喺山上睇咗D景，覺得無需要再上。不過佢個五稜郭公園就好好行，散散步HEA下不錯。
喺個公園入面，其實有個箱館奉行所～好靚入面！值得買票入去睇下人地既歷史，同點建造呢個奉行所。
之後我地就入返個五稜郭塔下面既餐廳，食咗個咖哩飯。五島軒喺函館好出名，呢間仲要無咩人架，大家不況入去食下！（我食完仲買多咗5包咖哩包添，HEHE）
之後，我地就返酒店HEA下，夜晚就行去紅倉庫嗰邊食DINNER。AJISAI拉麵店喺TRIPADVISER都幾出名，但我就覺得有少少似我地香港既雲吞麵 XD。
我喺函館留咗3日2夜架，第三朝都係去函館朝市揾啖食。但就唔入餐廳，只係喺市場到買下D包同海鮮食下！我就無好似其他人咁釣墨魚，但坐喺到望下都幾得意。不過記得坐遠少少，D墨魚釣起會真係噴水架XD。
燒貝推介大家食，真係好甜～一人一個都唔夠喉～
呢個墨魚包就無咩特別。（大家行過睇下就算啦）
除咗呢D仲見市場好多都切晒D蜜瓜出黎賣，我就揀咗好耐，終於喺市場後既街邊檔入手～超正！唔食唔得！
最後再去出名既蟹包到買咗2個大蟹包食。熱熱地，好正！加盒最愛既十勝牛乳，OISHIII！
晏D CHECKOUT後，就跟住個海邊，又行去紅倉庫嗰到行下HEA下。呢邊就多D野行，多D野買。
LUNCH就食函館出名既LUCKY PIERROT HAMBURGER。佢其實喺函館有好多分店架，大家揀一間順路既食就得了！
舖頭生意真係好好，要排長龍先買到～好彩間舖就比較大，所以都揾到個靚位食。D漢堡包真係大件夾抵食，肉好JUICY！薯條有肉汁呢隻真係好好味，推介！本身我都話叫個咖哩飯，但四周既人都係食漢堡包時，最後都係一人叫一個SET算了！HAHA！！！
食完之後就返酒店拎行李，搭JR返札幌。BYE-BYE 函館！
關於北海道之旅既更多行程資料～我之前已經寫好D BLOG！歡迎延伸閱讀
0 意見:
張貼留言