睇住呢排既新聞，話北海道好大雪，天氣唔好！好慶幸嗰排我去仲係涼涼的，又唔會好凍，又唔會影響行程～ 我地等三站去既就係函館～函館呢度真係好PEACEFUL～ 可以慢慢地周圍行，好RELAXING
函館JR站 嗰度上一層樓可以欣賞下呢個站既景色！好靚呀！天氣仲好好，再夜D就落大雨～由登別搭車過黎都要成2個鐘（好似），所以已經有D餓～就喺火車站向出直行，就求其入咗間CAFE。
間CAFE叫PRONTO，下午係一間CAFE，但一到夜晚就係一間BAR！我地就點咗個DONUT，同SPAGHETTI食⋯⋯點知！！！勁正呀！強烈推介各位喺JR站附近又唔知食咩既人黎呢間食！價錢唔貴，又好好坐！絕對可以HEA一個下午⋯⋯之後其實我已經無安排行程，但因為函館真係太寧靜，無街行。所以最後決定上函館山睇夜景⋯⋯ 關於函館住宿，我之前已經準備咗分享 【旅遊】TRAVEL DIARIES: Live in Hokkaido Hotels
上函館山其實真係好方便，佢有架函館山粉紅色SHUTTLE係比遊客去登山車站，勁可愛，又方便！（大家不妨問下JR站既職員或者酒店既人，佢地都會介紹你坐）函館山一到黃昏到夜晚時段係最多人，不竟佢係亞洲三天夜景之一！上去之前一直覺得香港都有夜景啦，但真係有D唔同！我地既夜景係高樓大廈，佢係獨特既海岸線同D屋仔，真係好靚架！
不過如果想影人既相，我都係覺得作為遊客既，都係比錢人賺，用大機影最好。因為佢地已經霸咗最有利既位置，仲會曬完直接寄去你屋企，呢D錢都係要洗架喇～
其實因為函館山上真係好多人，如果你早過黃昏少少去既，都可以喺佢D餐廳到食。一邊欣賞佢既夜景，又唔洗同人迫。如果唔係其實你睇一陣，人咁多，都會好似我咁雞咁腳走人。我地走人就返去函館出名既大門橫丁食DINNER。大約7點前去都唔係咁洗等，之後去既，你都預咗要等位架喇。因為佢D店舖細細間，小本經營～我地又係意外入咗呢間，好好食！一人一鍋，推介！
第二、三日函館之旅⋯⋯待續～
0 意見:
張貼留言