【嬰兒】Poor baby... SHE IS SICK！
因為佢打完針發完燒，之後仲唔知邊度野左感冒
簡直係一波未平一波又起！
今次係佢第一次感冒，原來咁細個BB普通醫生係唔會睇嘅（至少係我樓下個普通科係唔睇⋯明明有兒科學歷），我哋就即刻帶佢去睇佢自己個兒科，拎咗啲咳藥水同止鼻水藥做備用
唔知點解佢病嘅期間個人特別Hyper
事緣係
星期一星期二開始佢個肚好似扭屎扭得好勁，食野食少咗咁，我已經覺得有少少唔妥
星期三下晝我一摸到去有少少熱就即刻探熱 ALERT！佢已經開始37點幾度，溫度明顯比平時熱
到半夜嘅時候，已經想到38度以上，即刻比退燒藥佢食
係就係退咗一次燒，但之後又燒返，咁梗係即刻拿拿林帶佢去睇醫生啦，呢個情況一直維持咗4日
其實BB出世之後，佢係母體入邊嘅抗體係大概可以用到半歲
所以我BB係四個月時病，重要啱啱過咗流感高峰期，要特別alert！
今次睇醫生好似上左一課咁
醫生話其實就算BB發燒，Check過唔係特別case（中耳炎，個肺清既，喉嚨發炎，等等）
而個人食得瞓得痾得玩得，就其實冇乜大礙（只要bb仲肯食既，食少咗係唔驚既）
所以只要佢一燒到38以上就比退燒藥佢食就OK！感冒係有機會發燒到39度以上架！至於咳藥水同流鼻水～其實只要唔係狂咳狂流，就唔使食～畢竟撥妹自己會有自己嘅身體防禦機制，會努力咁抵抗病菌
好多人話飲人奶bb嘅抵抗力係會特別好嘅，人奶如果知道BB有病嘅話係會比啲抗體佢，可能咁都有d幫助佢康復
（我係支持母乳餵哺嘅）
另外，我一直以為BB啲病菌係唔會傳染到比大人嘅，但BB本身嘅抗體同人奶嘅抗體都抵禦唔到，咁睇黎今次撥妹發燒睇嚟隻菌係好強，呢個時候大人們都要小心比BB惹到
Baby呀！妳退左燒健康返就真係太好喇！
撥妹食咗幾日退燒藥，反覆發燒後，終於體溫真係降返落去37度以下
我繼續監察緊佢，希望佢真係好返晒啦
好彩佢淨係真係發燒左兩日啫，加埋之後只有半夜發燒，今個周末我要同老公一齊好好咁補下眠！
另外喺撥妹感冒既呢星期期間，我都有幫佢物理性咁退下燒，例如：
37.5-37.9 度就開始貼退熱貼（緊記貼左退熱貼係同食退燒藥唔可以同時做嘅，因為如果BB降溫降得太快嘅好容易會抽筋）
同佢繼續沖暖水涼
唔好着太多衫等佢散熱
得閑攞啲暖濕布抹下手腳
每隔兩至四個鐘就幫佢探熱～
BB病真係好可怕
其實感冒前嘅周末，我哋都過得好充實
我哋去咗同就快拆嘅摩天輪影咗個相留念＆bb陪爹哋媽咪食咗個fro yo做tea
呢位B妹，妳既笑容可唔可以PRO DD？
通常同佢散完步之後～坐住推車就可以一路訓一路返屋～
今個星期亦都挑戰帶撥妹同爺爺嫲嫲飲茶
佢每次出門其實都幾乖嘅
但如果一扭眼瞓又會開始脾氣暴躁，氹一陣瞓咗就OK
哈哈哈哈哈哈哈 我要更加努力學習加速氹訓嘅方法
至於佢四個月既update
體重大約6.2Kg , 身高有大幅成長到63cm
下巴仔仔就變咗雙下巴 無埋條頸
流感高峰期既然過咗，依家有啲咩放風定係gathering都要預埋B妹喇！
除非係特別日子啦
星期一我哋就要帶BB搞Passport啦！
星期一我哋就要帶BB搞Passport啦！
期待呀！
0 意見:
張貼留言